प्रै॒षेभिः॑ प्रै॒षाना॑प्नोत्या॒प्रीभि॑रा॒प्रीर्य॒ज्ञस्य॑। प्र॒या॒जेभि॑रनुया॒जान् व॑षट्का॒रेभि॒राहु॑तीः ॥१९ ॥
प्रै॒षेभि॒रिति॑ प्रऽए॒षेभिः॑। प्रै॒षानिति॑ प्रऽए॒षान्। आ॒प्नो॒ति॒। आ॒प्रीभि॒रित्या॒ऽप्रीभिः॑। आ॒प्रीरित्या॒ऽप्रीः। य॒ज्ञस्य॑। प्र॒या॒जेभि॒रिति॑ प्रया॒जेभिः॑। अ॒नु॒या॒जानित्य॑नुऽया॒जान्। व॒ष॒ट्का॒रेभि॒रिति॑ वषट्ऽका॒रेभिः॑। आहु॑ती॒रित्याहु॑तीः ॥१९ ॥
हिन्दी - स्वामी दयानन्द सरस्वती
कैसा विद्वान् सुख को प्राप्त होता है, इस विषय को अगले मन्त्र में कहा है ॥
संस्कृत - स्वामी दयानन्द सरस्वती
कीदृशो विद्वान् सुखमाप्नोतीत्युच्यते ॥
(प्रैषेभिः) प्रैषणकर्मभिः (प्रैषान्) प्रैषणीयान् भृत्यान् (आप्नोति) (आप्रीभिः) या समन्तात् प्रीणन्ति ताभिः (आप्रीः) सर्वथा प्रीत्युत्पादिकाः परिचारिकाः (यज्ञस्य) (प्रयाजेभिः) प्रयजन्ति यैस्तेः (अनुयाजान्) अनुकूलान् यज्ञपदार्थान् (वषट्कारेभिः) कर्मभिः (आहुतीः) या आहूयन्ते प्रदीयन्ते ताः ॥१९ ॥
